ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಖ್ಯಾತ ಮಲಯಾಳಂ ನಿರ್ದೇಶಕ ಮತ್ತು ಚಿತ್ರಕಥೆಗಾರ ಸಿದ್ದಿಕ್ (63) ಮಂಗಳವಾರ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ನ್ಯುಮೋನಿಯಾ ಮತ್ತು ಇತರ ಉಸಿರಾಟದ ಸಮಸ್ಯೆಗಳ ಚಿಕಿತ್ಸೆಗಾಗಿ ಸಿದ್ದಿಕಿ ಜುಲೈ 10, 2023 ರಿಂದ ಆಸ್ಪತ್ರೆಯಲ್ಲಿ ದಾಖಲಾಗಿದ್ದರು. ಸೋಮವಾರ ಮಧ್ಯಾಹ್ನ 3 ಗಂಟೆಗೆ ಹೃದಯಾಘಾತ ಸಂಭವಿಸಿತ್ತು.ತಕ್ಷಣವೇ ಆಸ್ಪತ್ರೆಗೆ ದಾಖಲು ಮಾಡಲಾಗಿತ್ತು. ಆದ್ರೆ ಮಂಗಳವಾರ ಹೃದಯಾಘಾತದಿಂದ ನಿಧನರಾಗಿದ್ದಾರೆ.
ಸಿದ್ದಿಕಿ ಅವರು ಪತ್ನಿ ಸಜಿತಾ ಮತ್ತು ಮೂವರು ವಯಸ್ಕ ಮಕ್ಕಳನ್ನು ಅಗಲಿದ್ದಾರೆ.
ಹಲವು ವರ್ಷಗಳಿಂದ ಸಿದ್ಧಿಕಿ ಅವರು ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಗೆಳೆಯ ಲಾಲ್ ಜೊತೆ ಸೇರಿ ಅವರು ಅನೇಕ ಸಿನಿಮಾಗಳಿಗೆ ನಿರ್ದೇಶನ ಮಾಡಿದ್ದಾರೆ. ಸಿದ್ಧಿಕಿ-ಲಾಲ್ ಎಂದೇ ಖ್ಯಾತರಾದ ಅವರಿಬ್ಬರು ಜಂಟಿಯಾಗಿ ಅನೇಕ ಸಿನಿಮಾಗಳಿಗೆ ಕಥೆ-ಚಿತ್ರಕಥೆಯನ್ನೂ ಬರೆದಿದ್ದಾರೆ.
ಲಾಲ್ ಅವರು ‘ತೆಂಕಾಸಿಪಟ್ಟಣಂ’, ‘ತೊಮ್ಮನುಮ್ ಮಕ್ಕಳು’ ಮತ್ತು ‘ಸಾಲ್ಟ್ ಅಂಡ್ ಪೆಪ್ಪರ್’ ಮುಂತಾದ ಹಲವಾರು ಹಿಟ್ ಚಿತ್ರಗಳಲ್ಲಿ ನಟಿಸಿದ್ದಾರೆ. ‘ಸಿದ್ಧಿಕ್-ಲಾಲ್’ ಸಿನಿಮಾಗಳಾದ ‘ರಾಮ್ಜಿ ರಾವ್ ಸ್ಪೀಕಿಂಗ್’, ‘ಇನ್ ಹರಿಹರ್ ನಗರ’, ‘ಗಾಡ್ಫಾದರ್’, ‘ವಿಯೆಟ್ನಾಂ ಕಾಲೋನಿ’ ಮತ್ತು ‘ಕಾಬೂಲಿವಾಲಾ’ ಭಾರಿ ಹಿಟ್ ಆಗಿದ್ದವು.
ಸಿದ್ದಿಕ್ ಅವರ ಕೆಲವು ಜನಪ್ರಿಯ ಏಕವ್ಯಕ್ತಿ ನಿರ್ದೇಶನಗಳಲ್ಲಿ ಹಿಟ್ಲರ್, ಫ್ರೆಂಡ್ಸ್, ಕ್ರಾನಿಕ್ ಬ್ಯಾಚುಲರ್ ಮತ್ತು ಬಾಡಿಗಾರ್ಡ್ ಸೇರಿವೆ.
