ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಟ್ವೀಟರ್ ನಿಂದ ಬ್ಯಾನ್‌ ಆಗಿದ್ದ ಡೋನಾಲ್ಡ್ ಟ್ರಂಪ್ ಇದೀಗ ಮತ್ತೆ ಟ್ವೀಟರ್ ಗೆ ವಾಪಸ್ಸಾಗಿದ್ದಾರೆ. ಬಿಲಿಯನೇರ್‌ ಎಲಾನ್‌ ಮಸ್ಕ್ ಟ್ವೀಟರನ್ನು ವಶಪಡಿಸಿಕೊಂಡ ಕೆಲವೇ ವಾರಗಳ ನಂತರ ಇದು ಸಂಭವಿಸಿದೆ. ಟ್ರಂಪ್ ಅವರನ್ನು ಟ್ವಿಟರ್‌ನಲ್ಲಿ ಮರುಸ್ಥಾಪಿಸಬೇಕೇ ಅಥವಾ ಬೇಡವೇ ಎಂದು ನಿನ್ನೆಯಷ್ಟೇ ಮಸ್ಕ್ ಪ್ರಶ್ನಿಸಿದ್ದರು. ಈ ಪ್ರಶ್ನೆಗೆ ಜನರಿಂದ ಸಕಾರಾತ್ಮಕ ಪ್ರಕ್ರಿಯೆ ದೊರೆತಿದೆ ಎಂದಿರುವ ಮಸ್ಕ್ ಟ್ರಂಪ್ ಅವರನ್ನು ಟ್ವೀಟರ್ ನಲ್ಲಿ ಪುನಃ ಸ್ಥಾಪಿಸಲಾಗುವುದು ಎಂದು ಹೇಳಿದ್ದಾರೆ.
ನಿನ್ನೆ ಟ್ವೀಟ್‌ ಮೂಲಕ ಟ್ರಂಪ್ ಅವರ ಖಾತೆಯನ್ನು ಮರುಸ್ಥಾಪಿಸಬೇಕೇ ಅಥವಾ ಬೇಡವೇ ? ಎಂಬ ಕುರಿತು ಮಸ್ಕ್ ಸಮೀಕ್ಷೆ ನಡೆಸಿದ್ದಾರೆ. ಅದರಲ್ಲಿ 51.8 ಶೇಕಡಾದಷ್ಟು ಜನರು ಹೌದು ಎಂಬ ಉತ್ತರ ನೀಡಿದ್ದಾರೆ. ಹೀಗಾಗಿ ಜನರ ಉತ್ತರವನ್ನಾಧರಿಸಿ ಟ್ರಂಪ್ ಅವರ ಖಾತೆಯನ್ನು ಪುನಃ ಸ್ಥಾಪಿಸಲಾಗಿದೆ. ಮಾಧ್ಯಮದ ವ್ಯಕ್ತಿ ಜೋರ್ಡಾನ್ ಪೀಟರ್ಸನ್ ಮತ್ತು ವೆಬ್‌ಸೈಟ್ ಬ್ಯಾಬಿಲೋನ್ ಬೀಗೆ ಸಂಬಂಧಿಸಿರುವ ಖಾತೆಗಳನ್ನು ಮಸ್ಕ್ ಈ ಹಿಂದೆ ಮರುಸ್ಥಾಪಿಸಿದ್ದರು.
ಮರುಸ್ಥಾಪಿಸಿದ್ದರು. ಕಳೆದ ತಿಂಗಳು ಟ್ವಿಟರ್ “ವ್ಯಾಪಕವಾಗಿ ವೈವಿಧ್ಯಮಯ ದೃಷ್ಟಿಕೋನಗಳೊಂದಿಗೆ” ಕಂಟೆಂಟ್ ಮಾಡರೇಶನ್ ಕೌನ್ಸಿಲ್ ಅನ್ನು ರಚಿಸುತ್ತದೆ ಎಂದು ಮಸ್ಕ್ ಹೇಳಿದ ನಂತರ ಈ ಮರುಸ್ಥಾಪನೆಗಳು ಬಂದಿವೆ. ಕೌನ್ಸಿಲ್ ಸಭೆ ಸೇರುವ ಮೊದಲು ಯಾವುದೇ ಪ್ರಮುಖ ವಿಷಯ ನಿರ್ಧಾರಗಳು ಅಥವಾ ಖಾತೆ ಮರುಸ್ಥಾಪನೆಗಳು ನಡೆಯುವುದಿಲ್ಲ ಎಂದು ಅವರು ಹೇಳಿದ್ದರು.
